Tanong; sa bible sinasabi na ang mangyayari na milagro kay kristo ayon sa kanyang pagkabuhay ay tulad ng kay Jonas ; na tatlong gabi at tatlong araw sa ilalim sa tiyan ng isda ; at gayon din naman kay Kristo ; tatlong araw at tatlong gabi rin sa pusod ( ilalim ) ng lupa. Kaya kung si kristo ay namatay ng alas 3:00 ng hapon sa araw ng biernes, at nilibing rin ng hapon na iyon, at nabuhay ng madaling araw ng linggo, itoy hindi po akma sa pagkakasabi niya sa Matt 12:40 ?
Sagot : Ang katanongang ito ay madalas nating maririnig sa mga kapatid natin na protestante. at naging isang basihan nila na ang turo at practice na ginagawa ng Katoliko ay sala sa biliya..
Bago natin tuluyang ipaliwanag ang tamang kasagutan, mas mai-nam siguro kung tingnan natin ang ibat-ibang sitas sa bibliya na may kinalaman dito.(tungkol sa pagkamatay at pagkabuhay ng Panginoong Hesus )
1- Mat. 12:40 - Tatlong araw at tatlong gabi si Jonas sa loob ng tiyan ng isda; gayon din Ako tatlong araw at talong gabi sa pusod ng lupa;
Dito malinaw ang pagkakasabi ng tatlong araw at tatlong gabi..
2-Matt 16:4 - " Humanap ng tanda ang masasama at taksil na tao sa panahong ito, subalit walang tandang ibibigay sa kanila maliban sa tanda ni Jonas." Umalis si Jesus at iniwan sila.
Pansinin natin na sa pagkakataong ito wala na ang salitang tatlong araw at tatlong gabi, kundi ang pagkakasabi, ay ang tanda lang ni Jonas. Gayong pariho lang naman na si Mateo ang may sulat nito..
3- John 2:19 - Sumagot si Jesus," Wasakin niyo ang templong ito at itatayo ko sa loob ng tatlong araw."
Pansinin po natin, na dito ang salita po mismo ng panginoon ay "itatayo niya muli sa loob ng tatlong araw " ( within three days ) at ito ay may kinalaman parin ang tungkol sa kanyang kamatayan at ng kangyang pagkabuhay muli.. ngunit wala na ang halimbawa ng kay Jonas.
Kung bakit nabanggit ni Jesus ang tungkol sa milagro na nangyayari kay Jonas iyon po ang dapat nating pag-aralan..
4- Luc. 11:29-32 - Nang nagsiksikan ang mga tao, sa paligid Niya, sinabi ni Jesus, "Masama ang mga taong nabubuay sa panahong ito.Humanap sila ng milagro, subalit walang tandang ibibigay sa kanila kundi ang tanda ni Propeta Jonas.
30-Kung paanong naging tanda si Jonas sa mga taga ninive, gayon din Akong Anak ng tao sa mga nabubuhay sa panahong ito.
31- Sa araw ng Paghukom, magbabangon ang Reyna ng timog at hahatulan niya ang mga taong ito.Sapagkat naglakbay siya ng malayo upang makinig sa karunungan ni Solomon. Subalit ang Narito ngayon ay higit na dakila kaysa kay Solomon.
32- Maging ang taga- ninive ay hahatol sa mga taong ito,sapagkat nagsisi sila ng pangaralan sila ni Jonas;samantalang Narito ngayon ang Isang higit na dakila kay Jonas.
Dito maliwanag na maintindihan natin kung bakit nasabi ni Jesus ang halimbawa tungkol kay Jonas. Na si Jonas ay isang halimbawa sa ninive para sa kanilang pagsisi.. na kung gaano nagsisi ang ninive dahil kay Jonas, ay dapat gayon rin ang gagawin ng mga tao sa panahong yaon sa pangangaral ni Kristo. Dito ang dapat na pagtuonan ng pansin ay ang magka-parihong pakay at dahilan ng dalawang tao na kapuwa sugo at pinadala ng Dios. At walang kinalaman ang tungkol sa tatlong araw at tatlong gabi, sa sitas na ito binaggit rin ni Jesus ang tungkol sa karunongan ni Solomon na dinayo pa ng Reyna para mapakinggan. At sinabi Niya, na Siya ay mas dakila at higit pa kay Solomon,. na mas-higit pa sanang paniwalaan kumpara kay Solomon, na wala pa ring kinalaman sa tatlong araw at tatlong gabi..
Ang tawag sa paghahalintulad na gaya nito ay "parallelism "na ang gawain at pakay nina Jonas at Kristo
ay halos magkapariho..
Nagkataon lang, na ng sulatin ni Mateo ang paghahalintulad nina Jesus at Jonas ay detalyado ang pagkakasulat niya sa mga pangyayari na naganap kay Jonas ng una niyang ihayag ito. ( Mat. 12:40 )
Pero sa ikalawang sulat niya (Mateo) ay hindi na, Mat. 16:4.. at iyon lang ang pakay ng Panginoong Hesus. Ang mapansin ang parihong pakay ni Jonas at ni Kristo.
At gaya ng sinabi ni Jesus, siya ay mabubuhay sa loob ng tatlong araw, John 2:19, ( within three days ) namatay siya ng biernes at nalibing din sa araw na iyon, nakapaloob na ng araw ng biernes, sinundan ng sabado na araw ng pahinga ng mg Hudiyo kaya hindi sila pweding dumalaw, nakapaloob na rin sa araw ng sabado, at nabuhay ng linggo nakapaloob na rin sa araw ng linngo.. (within three days )
At kahit sino mang matinong tao ang magkaroon ng computation upang buohin ang tatlong araw at tatlong gabi, kahit pag-sunod-sunorin pa nila ang dalawang araw ng pahinga, ay lalabas na makakadalaw ang mga babae at apostoles kay Jesus sa araw na hindi pa siya nabubuhay.
Dahil si Jesus ay namatay sa ika-3:00 ng hapon at nalibing rin sa araw na iyon. kaya kung siya man ay mabubuhay, na kailangang buohin ang kompletong, tatlong araw at tatlong gabi, lalabas na siya ay mabubuhay sa pagitan ng alas 3:00 hanggang alas 6:00 ng hapon, bago mabuo ang tatlong araw at tatlong gabi at maliwanag na sila ( mga apostoles ) ay magkaka-roon pa ng dalaw sa Kanyang libing sa panahong hindi pa nabubuhay ang Kristo..Ngunit hindi nagyayari ang ganito..
Iyan po ang sagot ko...
Walang komento:
Mag-post ng isang Komento